Од одбележувањето на Патронатот на Библиотека „Гоце Делчев“ – ден на раѓањето на апостолот на македонската револуционерна борба Гоце Делчев (1872-1903)
Во одбележувањето на патрониот празник на Библиотека „Гоце Делчев“ учествуваа ученици и ученички во СОУ „Јосиф Јосифовски“ – Гевгелија со читање литературни творби.
Некои од прочитаните творби беа посветени токму на Гоце Делчев.
Ментори на учениците/ученичките беа професорките: Жаклина Атанасова, Бисерка Макревска, Тања Чугунцалиева и Славица Маркова.
Покрај врачените благодарници за учениците/ученичките и нивните менторки, во рамки на настанот, директорот на библиотеката Стефан Марковски им врачи пофалници на најверните читателки со најголем број прочитани наслови за 2022 година: Македонка Ризова, Иринка Тошева и Лефтерка Петкова.
