Во пресрет на изготвувањето на 10-то, јубилејно издание на стихозбирката „Метрички карван“, каде годинава ќе бидат објавени дела од поети и поетеси од гевгелискиот и кочанскиот крај, ЈОУ Библиотека „Гоце Делчев“ Гевгелија објавува Конкурс за поетски творби од роднокрајни автори кои живеат/потекнуваат од територијата на општина Гевгелија или се на друг начин поврзани со Гевгелија и гевгелиско.

Заинтересираните да испратат по 3 необјавени поетски творби на e-адресата bibliotekagevgelija@yahoo.com, заедно со кратка биографија и фотографија.

Поетските творби, заедно со биографијата да бидат внесени во еден .doc фајл, фонт Times New Roman со големина на фонт 12 и проред 1.15.

Темата е слободна, а рокот на испраќање на творбите е до крајот на март.

Благодариме!